Бир неча кун аввал "Реал" сардори Серхио Рамос клуби президенти Флорентино Перес билан суҳбатлашиб, шартномани бекор қилишни ва ўзини Хитой клубига қўйиб юборишни сўраган. Ушбу маълумотни Переснинг ўзи ҳам тасдиқлади.

33 ёшли нима учун жамоани тарк этишни истаётганининг ҳақиқий сабаби аниқ бўлди. Маълумотларга қараганда, футболчи иқтисодий муаммога дуч келган.

Рамос Banco de Santander банкидан 35 миллион евро миқдорида кредит олган. Футбол Мадрид шаҳри атрофида ер сотиб олиб, у ерда тураржой биноларини қуришни режалаштирган эди. Аммо шаҳар кенгаши бу жойда қурилиш қилишга рухсат бермади. Энди эса Серхио банкдан олган кредитини қайтариш борасида бош қотирмоқда.

Шу боис, у Хитой клубларидан бири билан шартнома имзолаб, ўз қарзини ёпишни кўзламоқда. Рамоснинг "Реал"даги йиллик маоши 12 миллион еврога тенг.