«Барселона» ҳужумчиси Усман Дембеле Испания кубоги финали олдидан ташкил этилган машғулотга кечикиб келган. Бу ҳақда AS нашри хабар тарқатди.
Франциялик мавсум давомида бундай интизомсизликка камида иккинчи марта йўл қўймоқда. Усмон ўтган сафар бошқа бундай хатога йўл қўймасликка ваъда берганди.
"Кўк-анорранглилар" раҳбарияти ва мураббийлар штаби Дембеленинг интизомида қониқиш ҳосил қилмаяпти. Футболчи ишга бўлган муносабатни ўзгартирмаса, «Барселона» уни сотиб юбориши мумкин.
Унинг трансфер нархи – 120 миллион еврога тенг. Якунланган мавсумда Дембеле 27та ўйинда майдонга тушиб, 8та гол урди ва 5та голга узатма берди.
Эслатиб ўтамиз, ўтган йилнинг декабрида Дембеле ухлаб қолгани учун машғулотга кеч қолган эди.
