"Порту", "Барселона" клублари ва Португалия термасининг собиқ яримҳимоячиси Деку миллий жамоа ҳужумчиси Криштиану Роналду ҳақида фикр билдирди.

"Криштиану Португалия термасида бахтиёр ва бу унинг ўйинида кўриниб турибди. Бундан ташқари у миллий терманинг сардори ва етакчисидир. Португалия термасида дебют қилганида биз унинг буюк футболчи бўлишини билар эдик, аммо бу қадар эмас.

Роналду - тарихдаги энг яхши футболчилардан бири. Бир неча йиллардан буён юқори савиясида тўп суришнинг иложи йўқ. Бу фақат иқтидорли футболчиларга берилган", - дейди Деку.