"ПСЖ" клуби ва Аргентина терма жамоаси яримҳимоячиси Анхель Ди Мария клубдаги жамоадоши Неймар иккиси миллий жамоадаги жамоадоши Лионель Месси ҳақида тез-тез гаплашиб туришини таъкидлади.
"Месси билан ўйнаш менга ёқади. Шунингдек, машғулотларда уни кузатиш ҳам ёқади. У бажараётган нарсалар... ўзига хос. Тушунтириш қийин... "ПСЖ"да Неймар билан у ҳақида кўп гаплашамиз. Неймарнинг айтишича, у Whatsapp орқали Суарес ва Месси билан кўп мулоқот қилади. Доим у ҳақида гаплашамиз", - дейди Ди Мария.
Ди Мария, шунингдек, қачонлардир "Барса"га ўтиши мумкин бўлганини қўшимча қилди: "Барселона"га ўтиш имконияти бўлган, аммо бу содир бўлмаган эди".
Неймар тўрт йил - 2013 ва 2017 йиллар оралиғида "Барселона"да ўйнаган.
