15 июнь куни Суперлиганинг 11-турига старт берилади.
Суперлиганинг 11-турида Тошкентнинг “Бунёдкор” жамоаси ўз майдонида "Насаф"ни қабул қилади.
Бу жамоалар ўртасидаги ҳар бир учрашув мухлислар ўртасида катта қизиқишларга сабаб бўлган.
“Бунёдкор” – “Насаф” учрашуви 16 июнь якшанба куни ТТЙМИ стадионида бўлиб ўтади. Учрашув соат 18:00да бошланади.
Ўзаро учрашувлар тарихидан
Мазкур клублар олий лигада шу кунгача 24 бор куч синашишган. Натижалар “қалдирғочлар” нинг устунлигини кўрсатмоқда. Бўлиб ўтган 13 учрашувда “Бунёдкор”, 3 ўйинда эса “Насаф” ғалабага эришган. 8 учрашувда дуранг натижаси қайд этилган.
Тўплар нисбати 36:14 га тенг. Устунлик “Бунёдкор” тарафида.
Ўзаро учрашувларда қайд этилган энг юқори ҳисоблар қуйидагича: “Бунёдкор” – “Насаф” 5:0, “Насаф” – “Бунёдкор” 2:0.
Жамоамиз сўнгги ўзаро учрашувни 2018 йил 8 ноябрь куни Қаршида ўтказган. Бу учрашув 1:4 ҳисобида якунланган.
Тошкентдаги ўзаро баҳсларга оид
Ушбу жамоалар шу пайтгача Тошкентда 12 бор куч синашишган. 1 учрашувда "аждарлар" ғалаба қозонган. 9 учрашувда мағлубиятга учраган ва 2 учрашувда кучлар тенг келган. Дарвозаларга жами 33та тўп киритилган. Тўплар нисбати 26:7.
Эслатиб ўтамиз, ушбу жамоаларнинг ёшлари шанба (15.06.2019) “Бунёдкор” Футбол мактаби майдонида соат 17:30 да бошланади.
