Ўзбекистон Суперлигаси 11-туридан ўрин олган “Қўқон-1912” ҳамда “Динамо” учрашуви якунланди. Ўйиндан кейинги матбуот анжуманининг иккинчи қисмида “Қўқон-1912” бош мураббийи Азиз Тўхтабоев иштирок этди.
- Бугунги ўйинда биз ғалаба қозонмоқчи эдик. Аммо қўпол хатолар эвазига иккита гол ўтказиб юбордик ва режамиз барбод бўлди.
“Қўқон-1912”да қанча вақт ишлайсиз?
Жамоада қанча қолишим ўзимизга, кўрсатадиган натижаларга боғлиқ. Бугунги баҳсда рақибни хато қилишга мажбур этмаганимизда автоголлар бўлмасди. Қолверса пенальти бўлган вазиятларда ҳам футболчиларимиз хатоларга йўл қўйишди. Акс ҳолда рақиб тўртта гол ура олмаган бўлар эди, - дея Тўхтабоев сўзларини келтиради сайтимиз мухбири Жалолиддин Қобилжонов.
