1978-йилда Аргентина терма жамоаси билан жаҳон чемпиони бўлган Марио Кемпес ҳужумчи Лионель Мессисиз таркибни шакллантириб кўришни таклиф қилди.

“Мессисиз терма жамоага нима бўлади? Нега биз Лионелсиз таркибни шакллантириб кўрмаслигимиз керак, шу билан биргаликда клубида ўзини яхши кўрсатаётган футболчиларга ҳам имконият берган бўлардик. Ўйлашимча, Мессига бироз дам бериш керак.

Лионель ватани учун борини беради, лекин йиллар ўтмоқда, у чарчаяпти. У терма жамоа билан соврин ютиш учун қўлидан келган барча ишни қилди.

Мессига талаб кучли. У дунёнинг энг кучли футболчиси, барча футболчилар унга пас беришни исташади. Месси барча муаммони ҳал қилади деб ишониб қолмаслик лозим. У ҳаммасини елкасида олиб юролмайди. Бу Аргентина учун энг катта муаммо.

Унинг ўрнини тўлдириб бўлмайди. Бошқа Мессини топишни иложи йўқ, аммо дунёнинг энг кучли футболчисиз таркиб тузиш мумкин”, - дейди Кемпес.