1978-yilda Argentina terma jamoasi bilan jahon chempioni bo‘lgan Mario Kempes hujumchi Lionel Messisiz tarkibni shakllantirib ko‘rishni taklif qildi.

“Messisiz terma jamoaga nima bo‘ladi? Nega biz Lionelsiz tarkibni shakllantirib ko‘rmasligimiz kerak, shu bilan birgalikda klubida o‘zini yaxshi ko‘rsatayotgan futbolchilarga ham imkoniyat bergan bo‘lardik. O‘ylashimcha, Messiga biroz dam berish kerak.

Lionel vatani uchun borini beradi, lekin yillar o‘tmoqda, u charchayapti. U terma jamoa bilan sovrin yutish uchun qo‘lidan kelgan barcha ishni qildi.

Messiga talab kuchli. U dunyoning eng kuchli futbolchisi, barcha futbolchilar unga pas berishni istashadi. Messi barcha muammoni hal qiladi deb ishonib qolmaslik lozim. U hammasini yelkasida olib yurolmaydi. Bu Argentina uchun eng katta muammo.

Uning o‘rnini to‘ldirib bo‘lmaydi. Boshqa Messini topishni iloji yo‘q, ammo dunyoning eng kuchli futbolchisiz tarkib tuzish mumkin”, - deydi Kempes.