Машъал - Истиқлол (1:2) учрашувидан сўнг ўйин қаҳрамонига айланган 80-дақиқадан сўнг ўйинга қўшилиб жамоасининг илк голига муаллифлик қилган ва иккинчи голда пеналтини ишлаган Жасурбек Эрмаматовнинг ўйин таассуроти ҳақида қизиқдик!
- Рости хурсандчилигимиз ўзимизга сиғмаяпти! Очиғи эслолмайман оҳирги марта қачон сўнги дақиқаларда гол урилиб, ўйин сенарийси ўзгарган ўйинларни. Ўйинга кўп изоҳ беришга ҳожат йўқ, муҳими 3 очко.
Фантастика?! У фақат киноларда бўлади, бу - футбол. Бунда бир лаҳза ҳам ўйин тақдирини ҳал қилиши мумкин.
Ҳа мен ҳимоячиман, аммо мураббийимиз ўйин дуранг ёки мағлубиятга қараб кетаётганлигида мени хужумга тушуради. Бу биринчи марта эмас ва ишончини яна бир бор оқладим.
Ўтган йили ҳам шунга ўхшаш ғалабага эришганмиз. Ўшанда ҳам сўнги дақиқаларда гол урганман ва «Машъал»ни 2:1 ҳисобида мағлуб этиб қайтганмиз!
Олдинда бизни жиддий рақиб кутмоқда. Бу биз учун бир синов. Буни енгишга ҳаракат қиламиз
Эслатиб ўтамиз, 26-июнь куни «Истиқлол» ўз майдонида «Насаф» жамоаси билан баҳс олиб боради.
Ўзбекистон кубоги доирасидаги 1/16 финал ўйини «Истиқлол» стадионида 18:00 да старт олади. Учрашув «Спорт-тв» орқали намойиш этилади.
«Истиқлол» матбуот маркази.
