28-30 июнь кунлари Тунисда пара-атлетика бўйича жаҳон Гран-при сериясининг навбатдаги босқичи бўлиб ўтади.
Дунёнинг энг сара пара-атлетлари баҳс олиб борадиган мазкур мусобақада терма жамоамиз вакиллари ҳам иштирок этишади.
Делегациямиз бугун Ислом Каримов номидаги Тошкент халқаро аэропортидан Тунис сафарига жўнаб кетишди. Ушбу Гран-прида 12 нафар спортчи юртимиз шарафини ҳимоя қилишади. Ҳамюртларимиз мусобақа доирасида узунликка ва баландликка сакраш, найза отиш, диск ва ядро улоқтириш, 100 ва 200 метрга югуриш секторларида баҳс олиб бориши белгиланган.
Иштирокчилар мазкур турнир орқали юқори натижа қайд этиб, Токиода бўлиб ўтадиган Паралимпия ўйинларига йўлланма берувчи рейтингга кириб олиши мумкин. Шу боис ҳам унда жаҳоннинг етакчи пара-атлетлари иштирок этиши кутилмоқда.
