Бразилияда бўлиб ўтаётган Америка кубогининг гуруҳ босқичига якун ясалди. Бугун тонгда "С" гуруҳи вакиллари 3-тур ўйинларини ўтказишди.

Дастлабки икки турдан сўнг гуруҳда сўнгги ўринларни эгаллаб турган Япония ва Эквадор терма жамоалари ўзаро тўқнаш келишди ва унда ғолиб чиққан жамоа плей-офф йўлланмасини қўлга киритар эди. Учрашувнинг 15-дақиқасида Накадзима японларни ҳисобда олдинга олиб чиқди. Эквадорликлар биринчи бўлимнинг ўзида мувозанатни тиклашди. Иккинчи бўлимда эса жамоаларга гол уришга насиб қилмади. Оқибатда ҳар иккала жамоа келаси босқичга йўл ола билмади.

Чили ва Уругвай терма жамоалари ўртасидаги ўйин эса гуруҳ ғолиблиги учун кечди. Ўйин тугашига 8 дақиқа қолганида киритилган тўп уругвайликларга ғалабани тақдим этди.

Натижада Уругвай чорак финалда нисбатан кучсизроқ рақиб — Перу билан баҳс олиб орса, Чили Колумбияга қарши тўқнаш келади.

Америка кубоги, "C" гуруҳи, 3-тур
Чили – Уругвай 0:1 (0:0, 0:1)
Гол: 0:1 – 82 Кавани.
Чили – Арьяс, Медель (Лихновски, 55), Хара (Кастильо, 90), Марипан, Пульгар, Диас, Опасо, Арангис, Эрнандес, Варгас (Фернандес, 77), Санчес.
Уругвай – Муслера, Гонсалес, Хименес, Годин, Касерес, Вальверде (Коатес, 90), Бентанкур, де Арраскаэта (Родригес, 76), Лодейро (Нандес, 46), Кавани, Суарес.
Огоҳлантириш: Гонсалес (70).

Эквадор – Япония 1:1 (1:1, 0:0)
Голлар: 0:1 – 15 Накадзима, 1:1 – 35 Мена.
Эквадор – Домингес, Веласко, Мина, Арболеда, Рамирес, Груэсо, Мена (Чикайса, 74), Орехуэла, Мендес (Пресиадо, 46), Ибарра (Валенсия, 83), Валенсия.
Япония – Кавасима, Ивата, Уэда, Томиясу, Сугиока, Миеси (Абе, 82), Сибасаки, Итакура (Маэда, 88), Накадзима, Кубо, Окадзаки (Уэда, 66).
Огоҳлантиришлар: Томиясу (31), Арболеда (72), Валенсия (83), Чикайса (89).