Braziliyada bo‘lib o‘tayotgan Amerika kubogining guruh bosqichiga yakun yasaldi. Bugun tongda "C" guruhi vakillari 3-tur o‘yinlarini o‘tkazishdi.

Dastlabki ikki turdan so‘ng guruhda so‘nggi o‘rinlarni egallab turgan Yaponiya va Ekvador terma jamoalari o‘zaro to‘qnash kelishdi va unda g‘olib chiqqan jamoa pley-off yo‘llanmasini qo‘lga kiritar edi. Uchrashuvning 15-daqiqasida Nakadzima yaponlarni hisobda oldinga olib chiqdi. Ekvadorliklar birinchi bo‘limning o‘zida muvozanatni tiklashdi. Ikkinchi bo‘limda esa jamoalarga gol urishga nasib qilmadi. Oqibatda har ikkala jamoa kelasi bosqichga yo‘l ola bilmadi.

Chili va Urugvay terma jamoalari o‘rtasidagi o‘yin esa guruh g‘olibligi uchun kechdi. O‘yin tugashiga 8 daqiqa qolganida kiritilgan to‘p urugvayliklarga g‘alabani taqdim etdi.

Natijada Urugvay chorak finalda nisbatan kuchsizroq raqib — Peru bilan bahs olib orsa, Chili Kolumbiyaga qarshi to‘qnash keladi.

Amerika kubogi, "C" guruhi, 3-tur
Chili – Urugvay 0:1 (0:0, 0:1)
Gol: 0:1 – 82 Kavani.
Chili – Aryas, Medel (Lixnovski, 55), Xara (Kastilyo, 90), Maripan, Pulgar, Dias, Opaso, Arangis, Ernandes, Vargas (Fernandes, 77), Sanches.
Urugvay – Muslera, Gonsales, Ximenes, Godin, Kaseres, Valverde (Koates, 90), Bentankur, de Arraskaeta (Rodriges, 76), Lodeyro (Nandes, 46), Kavani, Suares.
Ogohlantirish: Gonsales (70).

Ekvador – Yaponiya 1:1 (1:1, 0:0)
Gollar: 0:1 – 15 Nakadzima, 1:1 – 35 Mena.
Ekvador – Dominges, Velasko, Mina, Arboleda, Ramires, Grueso, Mena (Chikaysa, 74), Orexuela, Mendes (Presiado, 46), Ibarra (Valensiya, 83), Valensiya.
Yaponiya – Kavasima, Ivata, Ueda, Tomiyasu, Sugioka, Miyesi (Abe, 82), Sibasaki, Itakura (Maeda, 88), Nakadzima, Kubo, Okadzaki (Ueda, 66).
Ogohlantirishlar: Tomiyasu (31), Arboleda (72), Valensiya (83), Chikaysa (89).