Бразилиялик футболчининг «Барселона» клубига қайтиши тобора аниқлашиб бормоқда. Унинг ўзи расман «Барса»да тўп сурмоқчи эканлигини маълум қилганидан хабарингиз бор. Айнан шу сабаб Католония клуби Гризман трансферидан воз кечди ва бор эътиборини Неймарга қаратди. Азалий рақиблари Эден Азарни таркибига қўшиб олаётган бир пайтда, «Барселона» клуби ҳам ўз супер юлдузини ортга қайтариш пайига тушиб қолганидан хабарингиз бор. Бугун Неймарнинг клубдан кетиши борасида жамоадошлари томонидан билдирлган фикрлар билан таништириб ўтамиз.
Буффон
Неймарсиз Париж клуби катта ҳавф остида қолиши аниқ. Сабаби, Неймар жамоанинг ўйинини белгилаб берувчи футболчи саналади. Тўғри, ундан ташқари жамоада Мбаппе, Кавани, Вератти сингари топ юлдузлар ҳам мавжуд, лекин Неймарнинг кетиши жамоа учун оғир бўлиши аниқ. Энди Париж клуби мутасаддилари ишга киришмоғИ зарур. Неймарнинг кетиши жамоага таъсир ўтказмаслиги учун янги футболчиларни харид қилиш зарур.
Вератти
Неймарсиз «ПСЖ» бу - Мессисиз «Барселона»дегандек гап! «ПСЖ»га Мессини олиб келишнинг иложи йўқ ва айнан шу сабабли бизга Неймар зарур. Мен Неймар нима учун бундай қилаётганини тушуна олмаяпман. Айни дамда унинг ўзини тутиши мени ҳайрон қолдирмоқда. Ахир у ҳозир бизнинг алмаштириб бўлмас ўйинчимиз бўлса, унга Парижда нима етишмаганига тушуна олмадим.
У футбол даҳоси! Даҳоларнинг қарорини муҳокама қилиш эса оддий инсонлар учун эмас!
Томас Тухел
Неймар кетгач биз бошимизни чангаллаб қолмаймиз. «ПСЖ»нинг ўйини бир футболчи атрофида қурилмаган. Сабаби, менинг футбол фалсафам билан футболчи атрофида жамоа тузиш умуман бошқа-бошқа нарса! Неймар якунланган мавсумнинг катта қисмини жароҳатлари сабабли ўтказиб юборди.
Унинг йўқлиги бизга заррача таъсир ўтказгани йўқ. Неймарнинг кетишидан фожиа ясашга ҳам хожат йўқ. Футболчиларнинг келиб-кетиши одатий ҳолат. Ҳозир биз унинг қолишини эмас, балки бошланаётган мавсумни қандай ўтиши ҳақида ўйласак тўғрироқ бўлар эди. Бошланадиган мавсумни Неймарсиз ёки Неймар билан ўтказишимизнинг деярли фарқи йўқ!
Кавани
Мен унинг кетиши борасидаги масалада Парижда суҳбатлашган эдим. Ҳозир «Копа Америка» мусобақасида гаплашганимизча йўқ. Мен шуни аниқ айта олманки, у нима қилаётганини аниқ билади. Ҳозир унга осон эмас. Умид қиламанки Неймар жароҳатларидан фориғ бўлади ва яна ўз формасини тиклаб олади.
Агарда у кетишни истаса, демак у шуни хоҳламоқда. У шуни хоҳлаяптими? Демак айнан шу нарса Неймар учун фойдали!
Мбаппе
Неймарнинг кетиши жамоага умуман таъсир ўтказмайди. Қайтанга жамоадаги манфий энергия тарқалиб кетадиган бўлди. Сабаби, кўплаб футболчилар унинг кетиши эвазига тушунмовчиликлардан фориғ бўлади. У бошқа клубга ўтишни истаб тўғри қарор қабул қилибди. Сабаби, Неймар бу ерда ҳеч нарса қила олмади ва қила олмайди ҳам. Унинг ортиқча финтлари ва дриблингларисиз ҳам жамоа кучли бўлиб қолаверади.
