АS агентлигининг хабар беришича, 25 ёшли "Айнтрахт" ҳужумчиси Анте Ребич "Атлетико"га ўтишга яқин. Ҳозирги вақтда клублар орасида музокаралар олиб борилмоқда. Трансфер тахминан 40 млн еврони ташкил қилади.
Ребич ўз фаолиятини 2011-йилда "Сплит" таркибида бошлаган, икки йилдан сўнг футболчи "Фиорентина" клубига кўчиб ўтган. Футболчи 2013-йилдан бери Хорватия терма жамоасида фаолият кўрсатиб келмоқда. Ребич миллий терма жамоа билан 2018-йилги жаҳон чемпионатининг кумуш медали совриндори бўлган.
Маълумот ўрнида, ўтган мавсумда Ребич "Айнтрахт" сафида 28 та учрашувда 9 та гол урган ва 4 та голлик пас берган.
