Шу кунларда Ҳабиб Нурмугамедов томонидан «олтин тўп» ҳақида билдирилган фикр катта тезликда ижтиомий тармоқларда оммалашиб кетди. Доғистонлик спортчининг асосий рақибларидан бири саналадиган Конор Макгрегор ҳам бу мавзуда ўз фикрлари билан ўртоқлашишни истади. Бугун унинг ва бошқа спорт турларидаги чемпионларнинг мавзу юзасидаги фикрлари билан танишамиз.
Леброн Жеймс
Очиғини айтсам, Месси ва Роналду ҳам бир даражадаги футболчилардек кўрингани билан, аслида унда эмас. Шахсан мен спортчиларнинг жисмоний имкониятига қараб баҳо беришни хуш кўраман. Ҳозирда бу икки футболчининг жисмоний тайёргарлиги бир хил эмас. Роналду Мессига нисбатан бир неча баробар кўпроқ меҳнат қилади ва у жисмонан Леодан устун. Бу жиҳат шаҳсан мен учун спортдаги биринчи рақамли устунлик ҳисобланади. Шундай экан, Роналду Мессига нисбатан кучлироқ эканлигига шубҳам йўқ!
Рафаэль Надал
Мен теннисдан кўра кўпроқ футболга яқин инсонман десам, адашмаган бўламан. Ўз вақитда «Реал Мадрид» клуби спорт директори бўлиб иш бошлашим ҳам мумкин эди. Футбол оламидаги жавоби йўқ саволга қандай жавоб берсам экан?! Менимча, Роналду энг яхшиси. Сабаби, у «Манчестер Юнайтед»да ҳам, «Реал Мадрид»да ҳам ажойиб ўйинлар кўрсатиб, ўз кучи ёрдамида дунёга танилди. Боз устига бу йил у ўз термасини «Миллатлар Лигаси» мусобақасида чемпионликка олиб борди. У ҳақиқий етакчи! Тўғри, Месси ҳам ундан қолишмаслиги мумкин, бироқ унинг ғалабаларининг замирида «Барселона» клубининг катта роли бор! Агарда Месси «Барса»да тўп сурмаганида катта эҳтимол билан қанот ҳимоячисига айланиб қолар эди. Мен ҳали ҳам тушуна олмайман. Қандай қилиб дунёнинг энг яхши футболчисини «Ювентус»га сотиб юбориш мумкин?! Клубим учун афсусдаман…
Коби Брайант
Мен «Барселона»нинг ўйинларини кузатиб бораман. Агарда ўша куни ўйинимиз бўлмаса, албатта. Нима учун «Барселона» клуби мухлисиман? Улар сафидаги 10-рақамдаги футболчининг ўйинларини кўрганмисиз? У футбол дахосику, аҳир. Нафақат футболда, балки ҳамма спорт турларини қўшсак ҳам, Месси сингари иқтидорли инсон топилмаса керак. Мен Роналдуни ҳурмат қилман. У бу даражага кўтарилиш учун бошидан нималарни ўтказганини тушуниб турибман. Шундай бўлсада, мен учун «Олтин тўп» совринини Мессидан бошқаси олмаслиги зарур!
Усайн Болт
Мен туғма иқтидор эгасиман. Ҳудди Месси каби ғолиблик менинг руҳимда мавжуд. Биз Месси билан жуда ўхшашмиз. Иккимиз ҳам тезкор ва чаққон спортчилармиз. Энг қизиғИ шундаки, бундай бўлишимиз яратганнинг бизга инояти. Биз бу ҳислатлар учун сира машқлар ўтказмаганмиз.
Шундай бўлсада, мен Роналдунинг ўз устида қанча ишлагани ҳақида ўйласам…
Роналдуга қойил қолмасдан иложим йўқ. Унинг меҳнаткашлиги, жуда кўп нарсалардан воз кеча олгани таҳсинга сазовор. Бир қарашда Месси иқтидорлироқдек кўринсада, мен Роналдунинг машаққатли ғолиблик йўлини маъқул кўраман.
Келинг, бундай баҳолаймиз. Футбол оламидаги энг кучли зарба Роналдуники, жисмоний имконият Роналдуга тегишли. Месси эса, дунёнинг энг ақлли футболчиси ва у дриблинг қироли! Ўйлашимча, саволингизга жавоб олдингиз.
Конор Макгрегор
Биз Роналду билан анчадан бери дўстмиз. У билан дўстлигимиз «Инстаграм»да смс ёзишиб қолган кунимиздан бошланган эди. Ўша пайтлари Брандаога қарши жангга тайёргарлик кўраётган эдим. Мени Женифер Лопезнинг туғилган кунига таклиф этишди. Кришдан сўрасам у ҳам боришини айтди. Шундай қилиб биз қалин дўстларга айландик. Ҳозирда унинг клуби ўзгарган бўлсада, Криш ўша-ўша иқтидорли. Роналду ёки Месси? Агарда яна бир нечта жанг ўтказсам, форбес журналида улардан ўтиб кетаман (кулади). Албатта ҳазил, саволингизнинг жавоби Роналду! Йўқ, у дўстим бўлгани учун эмас, шунчаки унинг жисмоний имкониятлари УФC жангчилариникидан ҳам яхшироқ. Бундай устунлик инсонга руҳий қувват ва ўз кучига ишонч бағишлайди. Спортда бу жуда муҳим жиҳатлардан бири саналади.
