Бразилия терма жамоаси ҳимоячиси Тиаго Силва Аргентина ҳужумчиси Лионель Мессининг коррупция ҳақидаги гапларига жавоб қайтарди.
"Мессининг сўзларига изоҳ бериш қийин. Футболчилар нима учун омадсизлик сабабларини ўзларидан излашмайди? Қизиқ, нега Месси "Барселона" — "ПСЖ" ўйинини Айтекин бошқарганида (ЕЧЛ жавоб учрашуви, "Барселона" "ПСЖ"ни 6:1 ҳисобида мағлуб этган ўйин — таҳририят) коррупция ҳақида гапирмади?
"Барселона" ўшанда ҳакамнинг ноўрин қарорлари эвазига ғалаба қозонганди, аммо Месси жим эди. Биз ҳам ҳеч нарса демагандик, натижани қабул қилиб, ўйнашда давом этгандик", деди Силва.
