"ПСЖ"нинг спорт директори Леонардо жамоа ҳужумчиси Неймарнинг "Барселона" қайтиш эҳтимоли ҳақида гапирди.
"Ҳаммани қониқтирадиган таклиф тушса, Неймар "ПСЖ"ни тарк этиши мумкин. Аммо ҳозирча, кимдир уни қандайдир суммага сотиб олмоқчи эканини билмаймиз. Бир нарса аниқ: бундай ишлар бир кунда ҳал бўлмайди.
Неймар кетишни хоҳлаётгани бор гап, аммо шундай бўладики, одам бир кун бундай гапиради, эртасига - бошқача. Ажабланарли, аммо шундай.
Ҳа, "Барселона" билан унинг трансфери бўйича расмий музокаралар бўлди. Улар сотиб олмоқчи канларини билдиришди, биз эса сотмаслигимизни айтдик. Таклиф Бартомеудан тушиши керак, аммо ҳозирча, "Барселона" уни ростан сотиб олмоқчи эканини билмаймиз", дейди Леонардо.
