"ПСЖ" клуби ҳужумчи Неймарга нисбатан жарима жазосини қўллади.
UOL Esporte тарқатган хабарга кўра, жамоа бразилиялик футболчини мукофот пулидан маҳрум қилди. Бир ойлик мазкур мукофот пули 375 минг еврони ташкил қилади.
Эслатиб ўтамиз, Неймар "ПСЖ"нинг таътилдан кейинги дастлабки йиғинига ўз вақтида ташриф буюрмади. Футболчи "Барселона"га қайтишни истамоқда. Бошқа томондан Неймарнинг отаси таъкидлашича, футболчи ўзига тегишли фонд фаолияти билан боғлиқ тадбирда иштирок этиши муносабати билан клуб сафига 15 июль куни қўшилади ва бу ҳақда улар "ПСЖ" раҳбариятини аввалдан огоҳлантиришган.