"Интер" томонидан трансферга қўйилган яримҳимоячи Ража Наингголан ва ҳужумчи Мауро Икарди янги бош мураббий Антонио Контенинг тактика бўйича машғулотларига қўйилмаяпти.

Милан жамоаси Швейцарияда ўқув-машғулот йиғинини ўтказмоқда.

Италиялик мутахассис бу футболчиларнинг жисмоний машғулотларида иштирок этишларига қарши эмас. Аммо тактик машғулотлар вақтида умумий гуруҳден четлатилмоқдалар.

Шартномаси амалда бўлган футболчиларни машғулотларга қўймагани учун "Интер" санкцияга дуч келиши мумкин. Шартнома шартларини бузмаслик учун "Интер" Икарди ва Наингголан учун махсус мутахассис ёллаган ва улар якка тарзда шуғулланмоқдалар. Бу мутахассис ёшлар жамоаси мураббийи Даниэле Бернаццанидир.