"Ювентус" ҳужумчиси Криштиану Роналду Халқаро чемпионлар кубоги доирасида "Тоттенхэм"га қарши бўлиб ўтган ўйинда (2:3) эътиборга молик ишга қўл урди.
Португалиялик футболчи баҳснинг 63-дақиқасида захирага олинганидан кейин "Ювентус" захира ўриндиғи томон ёш болакай келди. "Юве" мухлиси бўлган бу болани Роналду қарши олди, у билан суратга тушди. Шундан сўнг Роналду бу болани захира ўриндиғидагилар билан ёнма-ён ўтиришга таклиф қилди.
"Хавфсизлик хизмати ходимлари бу болани олиб кетишса керак, деб ўйлагандим. Аммо у майдонга югуриб чиққан фанат эмас, оддий мухлис эди. Бу бола учун қувончли лаҳза бўлди", - деди "Ювентус" бош мураббийи Маурицио Сарри.
