Дортмунднинг “Боруссия” клуби сардори Марко Ройс 2014 ва 2015 йилларда бир қанча гранд жамоаларни таклифларини нега рад этгани ҳақидаги саволларга жавоб берди.

Ройс интервю берган Германиянинг ZDFтелеканали тайёрлаган роликда ҳужумчи “Барселона”, “Арсенал”, “ПСЖ”, “Манчестер Юнайтед”, “Манчестер сити” ва “Милан” жамоаларига тўхталиб ўтган.

“2014-йилда иккала Манчестер клублари ва “Милан”дан келган таклифларни рад қилдик. 2015 йили "ПСЖ" ва “Арсенал”дан таклиф олдик. Кўп ўтмай эса, ҳатто “Барселона” ҳам уриниб кўрди. Тўғрисини айтаман, бошида бу менга ёқди. Дунёнинг энг кучли клуби сени сафига қўшмоқчи бўлса, ёқимли бўларкан. Роса иккиланганман. Аммо… якунда “Боруссия”дан ажралмасликка қарор қилдим. Нега?! Мен уйимдаман ва оиламни шаънини ҳимоя қилишим керак. Менга қизиққан, сўраб келган барча жамаоларни ҳурмат қиламан, бироқ менинг уйим шу ер ва қарорларимдан ҳеч қачон афсусланмайман. Борига шукр қиламан, ҳечам нолимайман, бироқ, барибир ягона орзуйим, “Боруссия”ни ЧЛ финалида кўриш.