«Реал» ярим ҳимоячиси Гарет Бэйлнинг агенти Жонатан Барнетт мадридликлар футболчини ижарага бериши мумкинлиги ҳақидаги хабарларни инкор қилди.

Аввалроқ «Реал» бош мураббийи Зайниддин Зидан интервью бериб, клуб тезроқ Бэйлдан қутулиши кераклиги ҳақида гапирганди. Шундан сўнг Барнетт франциялик мутахассисни "шарманда", деб атади. Сўнгги маълумотларга қараганда, Бэйлга Хитой клублари томонидан қизиқишлар бўлмоқда.

«Ҳеч қандай вақтинчалик шартномалар бўлмайди. Гарет – жаҳоннинг энг яхши футболчиларидан бири. Кафолат беришим мумкинки, у ҳеч бир жамоага ижара асосида ўтмайди.

Бэйл – «Реал» ўйинчиси ва ҳозирча шундайлигича қолади. Агар муносиб таклиф тушса, вазият ўзгариши мумкин. У эртагаёқ ёки бир ҳафтадан кейин Мадридни тарк этиши мумкин. Ёхуд навбатдаги 3 йил давомида — шартнома якунига қадар Гарет «Реал» ўйинчиси сифатида қолади», – деди Барнетт.