Бугун Хорватиянинг Загреб шаҳрида дзюдо бўйича Гран-при сериясига кирувчи навбатдаги мусобақа старт олади.

Енгил вазн тоифасидаги дзюдочилар беллашадиган бугунги кун дастурида беш нафар полвонимиз ғолиблик учун татамига чиқишади. Улар орасида Рио Олимпиадаси ва жаҳон чемпионати бронза медали соҳиби Диёрбек Ўрозбоев, шунингдек, Шарофиддин Лутфиллаев, Артём Штурбабин, Муҳриддин Тиловов ҳамда Диёра Келдиёрованинг номларини келтириб ўтиш мумкин. Вакилларимизнинг дастлабки рақиблари билан танишинг:

-60 кг: Шарофиддин Лутфиллаев – Матяз Трбович (Словения)
-60 кг: Диёрбек Ўрозбоев – Вон Жин Ким (Жанубий Корея)
-66 кг: Муҳриддин Тиловов – Жоао Крисостомо (Португалия)
-66 кг: Артём Штурбабин – Шуген Накано (Филиппин)
-52 кг: Диёра Келдиёрова – Александра Калета (Польша)