Ҳимоячи Диего Годин "Интер"га ўтганидан сўнг биринчи таассуротлари билан ўртоқлашди ва янги мураббий Антонио Конте ҳақида гапирди.
" «Интер» биринчи бўлиб таклиф билан чиқди ва бошқа клубларга нисбатан қатъиятлироқ эди. Мен "Интер" га ўз мақсадларимга эришишда ёрдам беришни хоҳлардим.
Конте менга Симеонени эслатиб туради. Улар футболга жуда қизиқиш билан қарашади, тафсилотларга эътибор беришади ва ўйинчиларидан энг яхшисини олишади. Мен Симеоне билан "Интер"га ўтишни муҳокама қилдим.", - деди Годин Gazzetta dello Sport нашрига берган интервюсида.
Эслатиб ўтамиз, Годин ушбу ёзда "Интер"га эркин агент сифатида келиб, клуб билан 3 йиллик шартнома имзолаган.
