Суперлига 14-туридан ўрин олган “Андижон” ҳамда “Бухоро” ўртасидаги баҳс бўлиб ўтди. Ўйиндан кейинги матбуот анжуманининг илк қисмида меҳмонлар устози Муҳсин Муҳаммадиев иштирок этди ва қуйидаги фикрларни билдириб ўтди.

- Нима демоқчиман? Бундай майдонда футбол ўйнаб бўлмайди. Рақибга омад кулиб боқди. Бугун антифутбол гувоҳига айландик. Мен ўзимни оқламоқчи эмасман, лекин қайтараман бундай майдона футбол ўйнаб бўлмайди.

- Биринчи бўлимда жамоангиз яхши ўйнади, бироқ иккинчи бўлимда рақибга устунликни бериб қўйдинглар...

- Иккинчи бўлимда рақиб яхши ўйнади. Иккита, учта вазиятлар бўлди, аммо фойдалана олмадик. Футболда вазиятлар саналмайди. Битта жарима зарбаси ўйин тақдирини ҳал қилди. Аммо ўйин дурангга мос бўлганди.

- Майдоннинг ҳолати сизга манзур бўлмадими?

- Ҳа, бундай майдонда футбол ўйналмайди. Бундай майдонда комбинацион ўйин кўрсатиб бўлмайди. Машғулотлардаги ўйинимизни кўрсата олмадик.

- Матбуот анжуманларнинг бирида “Бухоро”нинг бу мавсумдаги мағлубиятлари тугади дегандингиз...

- Ҳа, мен айтагандим. Ҳозир биз мағлуб бўлдик, лекин қолган ўйинларни ютсак нима дейсиз? Бу савол эмас-да...

- Бугунги ўйинда бир нечта янги футболчиларни ҳам майдонга туширдингиз, улардан кўнглингиз тўлдими?

- Қайтараман футбол яхши майдонда ўйналади. Бундай майдондаги ўйиндан кейин ҳеч нарса дея олмайман. Бугунги ўйинда кураш бўлди. Улар ўйнашмади, курашишди. Бир жамоа тепади, иккинчи тўпни қабул қилиб у ҳам тепади. Бу футбол эмас. Буни тўпни қабул қилиб, югуриш дейдилар”, -дея Муҳсин Муҳаммадиев сўзларини келтиради Stadion.uz мухбири Жалолиддин Қобилжонов.