Италиялик ушбу футбол агентини танимайдиган футбол мухлиси бўлмаса керак. У ўзининг жанжалкашлиги ва уддабуронлиги билан кўпчилик орасида ном қозонган. Бугун эътиборингизга унинг энг машхур мижозлари ҳақидаги маълумотни тақдим этамиз.

Доннарумма

16 ёшидаёқ катта футболга кириб келган дарвозабонни мухлислар иккинчи Буффон бўлади деб таҳмин қила бошлашган эди. Афсуск,и Доннарумма ўз агентининг босимига ҳам дош бера олмади…
Гап шундаки, дарвозабон 18 ёшга тўлгач агентининг босими остида «Милан» билан шартномани узайтиришдан бош тортади. Уни қўлдан чиқариб юбормаслик учун «Милан» жамоаси дарвозабонга 5 йил учун 25 миллион евро маош ва жамоа сардорлигини таклиф этади. Энг қизиғИ Райола мижозини бу таклифни рад этишга кўндиради ва «Милан»дан йилига 6 миллион маош кўрсатилган шартнома таклиф қилишларини истагани етмаганде, бундан ташқари Райола футболчининг акасини ҳам жамоага олишларини талаб қилади. Бечора «Милан» раҳбарлари унинг ҳамма шартларига рози бўлишдан бошқа чора топа олмай қолади.

Маттейс Де Лигт

«Аякс»даги фантастик мавсумдан сўнг, голландиялик футболчига бўлган талаб ошиб кетди. Энг қизиғИ шундаки, уни қўлга киритиш учун аёвсиз кураш олиб борган «ПСЖ» ва «Барселона» жамоалари ўз ниятларига ета олишмади ва футболчини «Ювентус» илиб кетди.
Де Лигт «Барселона»да ўйнаш нияти борлигига қарамасдан, ўз келажаги борасидаги муҳим қарорларни Мино Райола билан муҳокама қилди ва италиялик агент уни «Ювентус»га ўтишга кўндирди. Уддабурон Мино бу трансфер ортидан 11 миллион евро ишлаб олгани таҳсинга сазовар

Пол Погба

Сер Алекс Фергуссон ўзининг автобиёграфиясида қуйидаги сатрларни битган эди: “Бир куни менинг олдимга Погбанинг агенти келди. У билан илк танишган онимдаёқ унга бўлган ишончсизликни сездим. Биз Полнинг янги шартномаси устида узоқ тортишдик. Охири жахл устида «бу бола қанча ишлаб топишини хоҳлайсан?», - деб бақириб юбордим” Айнан шу суҳбатдан сўнг Погбанинг келажак режалари ўзгариб кетган эди. Райола «Ювентус»га тавсия қилган ушбу  футболчи ўзининг  ҳозирги даражасига айнан «кекса Сениора»нинг ҳизматлари билан чиқиб олган десак, адашмаган бўламиз. Орадан кўп ўтмай Райола французни «Манчестер Юнайтед»га сотишда катта рўл ўйнади ва ўз мижозини 105 миллион евро эвазига собиқ жамоасига ўтишини таъминлади.

Златан Ибраҳимович

Мино Райола Ибраҳимович билан анча эрта иш бошлаган ва ҳозирги кунга қадар швециялик футболчининг ортидан 150 миллион евро ишлаб олишга муваффақ бўлди. Гап шундаки, Раёла Ибраҳимовичнинг «Аякс»дан тортиб ҳозирги клубига қадар ҳамма трансферларини амалга оширишда катта рўл ўйнаган. У Ибраҳимовичнинг тарафини олиб бир неча бор Гвардиола ҳақида ҳунук гаплар айтишга ҳам улгурди. Энг қизиқарлиси шундаки, ҳеч бир футбол агенти шу кунга қадар бир футболчи ортидан бу қадар катта пул ишлаб топмаган эди. Ибраҳимович ва Райола бу борада мутлоқ рекодчи!

Марио Балотелли

Марио Балотелли Райоланинг энг кўп меҳнат қилишига сабаб бўлган футболчи десак, адашамаган бўламиз. Агент супер Марио билан қанчалар катта ҳажмдаги ишни олиб бормасин, Балотелли кўпчилик кутган даражага чиқа олмади. Райола унинг «Ливерпуль», «Ман Сити», «Милан» сингари гранд клубларга ўтишини таъминласада, Балотелли ўз устида ишлашдан тўхтаб қолди. Шундай бўлсада, Райола бу мижози ортидан ҳам анча – мунча пул ишлаб олгани таҳсинга сазовор!