"Манчестер Юнайтед" ҳужумчиси Алексис Санчес Буюк Британияда автомобилини нотўғри жойга қўйгани учун жаримага тортилди. Бу ҳақда The Sun хабар тарқатди.
Манбага кўра, чилилик футболчи ўзининг "Bentley" русумли машинасини қоидага хилоф равишда вокзалда қолдирган. Бунинг учун футболчи 67 евро миқдорида жарима тўлайди. Эслатиб ўтамиз, футболчининг "МЮ"даги бир йиллик маоши 29 миллион еврога тенг.
30 ёшли футболчи 2018 йилнинг январь ойидан бери "Манчестер Юнайтед" шарафини ҳимоя қилиб келмоқда. Якунланган мавсумда у барча мусобақалар доирасида 27та ўйинда майдонга тушиб, 2та гол урди ва 4та голга узатма берди. Унинг клуб билан шартномаси 2022 йилнинг ёзига қадар тузилган.
