"Футбол на куличках" веб-сайти Россия чемпионати 4-турининг рамзий терма жамоасини тузиб чиқди. "Ростов" ҳужумчиси Элдор Шомуродовга мазкур жамоанинг ҳужум чизиғидан жой берилди.


"Элдор Шомуродов мавсум дастлабки қисмида жуда яхши таассурот қолдирмоқда. У мазкур мавсумда 3та гол уришга муваффақ бўлди. "Ростов" форварди ўтган мавсум давомида айнан шунча тўп киритган эди. «Урал»га қарши ўйинда Элдор зарба бериш пайида бўлди ва унинг имкониятини топди. У аввалроқ ҳисобни тенглаштириши мумкин эди, аммо унинг зарбасидан кейин тўп тўсинга тегиб қайтди. Иккинчи бўлимда у Байрамяннинг узатмасини ерга туширмасдан дарвоза томон тепди ва тўпни тўсин остига жойлаб қўйди. Футболчи ўйин давомида гол уриш учун яна иккита имкониятга эга бўлди. Факт: Шомуродов «Урал» дарвозаси томон 5 марта зарба берди", — дея изоҳ берди ФНК ҳамюртимизнинг 4-турдаги ўйинига.

Дарвоқе, ФНК Шомуродовни 3-тур рамзий терма жамоасига ҳам киритган эди.

Россия премьер-лигаси 4-тур рамзий терма жамоаси (ФНК версияси).

Дарвозабон — Александр МАКСИМЕНКО (Спартак)

Ҳимоячилар – Марио ФЕРНАНДЕС (ЦСКА), Урош СПАЙИЧ (Краснодар), Тони ШУНИЧ (Динамо), Евгений ХАРИН (Ахмат)

Ярим ҳимоячилар – Ибрагим ЦАЛЛАГОВ (Сочи), Вильмар БАРРИОС (Зенит), Роман ЕРЕМЕНКО (Ростов, 2)

Ҳужумчилар – Фёдор СМОЛОВ (Локомотив), Элдор ШОМУРОДОВ (Ростов, 2), Федор ЧАЛОВ (ЦСКА, 2)