Футбол мухлисларинг катта қисми ҳужумчиларнинг голларидан, ҳимоячиларнинг ишончли ўйинларидан ёки дарвозабонларнинг ажойиб сейвларидан роҳат олишади. Шундай бўлсада, бу спорт турида жамоанинг ғалабаси учун энг катта ҳажмдаги ишни амалга оширсада, доиммо сояда қолиб кетадиган футболчилар мавжудлиги ҳақида ҳамма ҳам ўйлаб ўтирмайди. Бугун ана шундай футболчилар ҳақида сўз боради.

Серҳио Бускетс

Бу футболчига разм солиб қаранг! Тезлик, теҳника, зарба, узоқ масофага тўп етказиб бериш сингари футболчи учун жуда муҳим саналган жиҳатларнинг бирортасига эга бўлмасдан туриб «Барселона» жамоасининг улкан ғалабаларига фантастик улуш қўша олган футболчи.
Дарҳақиқат, унинг кўзга кўринмасда, улкан меҳнати эвазига «Барселона» дахшатли мавсумларни ўтказди, Испания терма жамоаси ЖЧ ва қитъа биринчилигида 2 бор зафар қучди. Ўз вақтида Грардиола томонидан 100 миллион еврога ҳам сотилмайдиган ўйинчи деб тарифф берилган испанялик футболчи таянч зонасидаги энг кучли футболчилардан бири десак, адашамаган бўламиз. Унинг меҳнатлари эвазига Испан футболи олдинга қадам ташлади. Майдонда ва экранда кам кўринадиган йигитнинг клуб учун қанчалар муҳим эканлигини ортиқча таърифлашнинг хожато йўқ чамамда!

Тиаго Алкантара

Яна бир кўримсиз юлдузлардан бири. Футболчи майдон марказида ҳаракат қилсада, ҳужумларга тез-тез қўшилиб туради. Шуниндек, қарши ҳужумларни ташкиллштириш борасида ҳам чакки эмас. Унинг энг муҳим устунликларидан бири аниқ узун паслари. Гап шундаки, футболчи «Бундеслига»нинг сўнгги мавсумида узун пасларнинг аниқлиги ва олдинга ташланган аниқ пасларнинг аниқлиги борасида мутлоқ рекорд ўрнатди. Испаниялик футболчи томонидан ташлаб берилган узатмаларнинг 93 фоизи аниқ манзилга етиб борган. Афсуски, футбол мухлислари ҳар сафар ҳам бундай статистикага эътибор қаратавермайди. Оқибатда ғалаба учун энг катта ҳисса қўшадиган футболчилар гол урган жамоадошларининг соясида қолиб кетаверишади.

Аллан-«Наполи»

Мана бир неча йиллардан бери «ПСЖ» жамоаси трансфер нишони бўлсада, ўз клубига содиқлигини салқаб қолаётган Аллан ушбу рўйхатдан ҳақли равишда жой олади.
«Наполи» рулига Карло Анчелоттининг келиши билан Аллан ўзини янада ёрқинроқ кўрсата бошлади. Рақиб ҳужумини бузиш ва катта тезликда янги ҳужум бошлай оладиган таянч ярим ҳимоячисининг ўйинлари кишини ҳайрон қолдиради. Бразилиялик футболчи ажойиб теҳникаси ёрдамида марказий зонанинг ўзидаёқ узун паслар билан ҳавфли ҳужум бошлай олади. Бундан ташқари футболчи Анчелотти томонидан кўрсатма берилса, ҳужумкор ярим ҳимоячига ҳам айлана олади. Умумий қилиб айтганда исталган мураббийнинг орзусидаги футболчи!

Саул Ниьгез

Симионе томонидан, қанотда, марказда, ҳужумда, ҳужум ортида, таянч зонасида синаб кўрилган Саул бирор маротаба панд бериб қўйгани йўқ. Унинг унверсаллиги ҳақида сўз кетганида шуни айтиж жоиз-ки, Саул 19 ёшидан бери «Атлетико Мадрид» учун энг муҳим футболчилардан бири сифатида қайт этиб келинмоқда. Футболчи қайси зонада ўйин кўнгилдагидек чиқмаса, айнан шу позицияга ташланишига ўрганиб ҳам қолган. Бежизга трансфермаркет сайти спаниялик футболчилар орасидаги айнан уни энг қиммати футболчи деб эълон қилмаган!

Нголо Канте

Клод Макалеленинг чинакам издоши сифатида «Лестер» сафидаги ўйинлари билан катта футболга кириб келган қаҳрамонимиз ҳозирда Лондоннинг «Челси» жамосининг том маънодаги юраги саналади. Дарҳақиқат, Нголо ўз клубидан ташқари терма жамоаси учун ҳам энг муҳим саналган Мундиал ғолиблиги учун ҳам улкан ҳисса қўша олди. Айниқса, Аргентина терма жамоасига қарши учрашувда қаҳрамонимиз Мессини зарарсизлантиришнинг уддасидан чиқди ва жамаоси учун ЖЧдаги энг оғир кечган учрашувда ғалаба қозинишини тўлиқ таъминлаб берди. Шундай бўлсада, Нголо ўша Мундиал қаҳрамонлари сифатида камдан-кам холлардагина тилга олинади.

Унинг майдон марказида жуда катта кўламдаги ишни бажариши эвазига «Челси» кучли рақибларга қарши ишонч билан тўп сура олади. Шу ўринда футболчининг жисмоний холати ҳақида алоҳида тўхталиб ўтиш лозим. Кичик жуссали бўлишига қарамасдан француз якка курашларда жуда фаол. Бундан ташқари унинг исталган дақиқада ҳужумкор ўйинчига айланиши вазият тақозо этганда жуда қўл келиши мумкин. Ҳозирда футболчи учун «Реал Мадрид», «ПСЖ» сингари супер клублар оғиз солишган бўлсада, «Челси» уни қўйиб юборишни хоҳламайпти. Тўғрисиямда! Ким ҳам бундай фойдали футболчини бошқа клубга ўтиб кетишини истаган бўлар эди?!