Испания чемпионатининг 1-тури доирасида «Реал» сафарда «Сельта» меҳмони бўлиб, осон бўлмаган баҳсни ўтказди.

Зидан шогирдлари тезкор гол уришга муваффақ бўлишди: ўйиннинг 12-дақиқасида Карим Бензема рақиб дарвозасини ишғол қилди. Бўлим сўнгида Аспас "Реал" дарвозасига тўп киритган эди, аммо VAR кичик офсайд туфайли голни бекор қилди.

Иккинчи бўлимнинг 56-дақиқасида ҳакам яна бир марта VARга мурожаат қилди ва Модрични майдондан четлатди. Хорватиялик футболчи бутсасининг тишлари билан рақиб оёғини босган эди.

"Мадрид" камчилик бўлиб қолганига қарамай, орадан кўп ўтмасдан меҳмонлар ҳисобдаги фарқни оширишди. Тони Кроос 25 метрлардан аниқ зарба билан тўпни "тўққизлик"ка жойлаб қўйди.

Ўйин тугашига 10 дақиқа қолганида эса Лукас Васкес ўз ҳисобига гол ёзиб, ўйин тақдирини амалда ҳал қилиб қўйди. Фақатгина иккинчи бўлимга қўшиб берилган дақиқаларда "Сельта" битта жавоб тўпини киритишга муваффақ бўлди.

Испания Ла лигаси, 1-тур
Сельта – Реал Мадрид 1:3 (0:1, 1:2)
Голлар: 0:1 – 12 Бензема, 0:2 – 61 Кроос, 0:3 – 80 Васкес, 1:3 – 90 Лосада.
Сельта – Рубен Бланко, Оласа, Васкес, Костас, Араухо, Денис Суарес, Мендес, Лоботка (Систо, 75), Бельтран (Диоп, 83), Фернандес (Лосада, 88), Аспас.
Реал Мадрид – Куртуа, Одриосола, Варан, Рамос, Марсело, Модрич, Каземиро, Винисиус Жуниор (Васкес, 69), Кроос, Бэйл (Иско, 75), Бензема (Йович, 81).
Огоҳлантиришлар: Васкес (7), Рубен Бланко (12), Аспас (12), Винисиус Жуниор (36), Фернандес (49), Одриосола (64), Костас (74).
Четлатиш: Модрич (56).