Мюнхен клуби ҳужумчиси Роберт Левандовски бразилиялик қанот ярим ҳимоячиси Филиппе Коутиньо ҳақида фикрларини билдирди.
Эслатиб ўтамиз, "Бавария" футболчини "Барселона" дан 2019/20 йилги мавсумга ижарага олган эди, яқин орада Коутиньо Мюнхенда тиббий кўрикдан ўтади ва шартномага имзо қўяди.
"Менимча, унга бизнинг тизим ва ғояларимизга мослашиш учун кўп вақт керак бўлмайди. Коутиньо ҳеч бир муаммосиз жамоага мослашиб кета оладиган турдаги ўйинчи », - дея Левандовскининг сўзларидан иқтибос келтирди Goal.
Маълумот учун "Бавария" Германия Бундеслигасида янги мавсумни "Герта" билан 2:2 ҳисобидаги дуранг билан бошлади.
Аввалроқ, Нико Ковач жамоаси Германия Суперкубоги учун баҳсда Дортмунднинг "Боруссия" клубидан 0: 2 ҳисобида мағлубиятга учраган эди.
