Англия чемпионатининг 2-тури доирасида "Челси" ўз майдонида "Лестер"ни қабул қилди.
Учрашувнинг 7-дақиқасида лондонликлар меҳмон ҳимоячиларининг қўпол хатосидан фойдаланиб ҳисобни очишди. Ндиди эҳтиётсизлик оқибатида тўпни Мейсон Маунтга олдириб қўйди. "Челси"нинг ёш ярим ҳимоячиси жарима майдончасига ёриб кириб, дарвозани ишғол қилди.
Лэмпард шогирдлари танаффусга қадар ўйин тақдирини ҳал қилиб қўйишлари мумкин эди, аммо улар иккита қулай имкониятдан фойдалана олишмади.
Иккинчи таймда эса хавфли вазиятлар яратиш бўйича устунлик "тулкилар" томонида бўлди. Улар ўзлари яратган вазиятларнинг биридан фойдаланишди. Баҳснинг 67-дақиқасида тўп бурчакдан ўйинга киритилди. Вилфред Ндиди ҳаводаги курашда ҳимоячилардан устун келди ва дарвозани ишғол қилди.
Шу тариқа, "Челси" мавсумдаги дастлабки очкосини қўлга киритган бўлса, "Лестер"нинг очколари 2тага етди.
Англия премьер-лигаси, 2-тур
Челси – Лестер 1:1 (1:0, 0:1)
Голлар: 1:0 – 7 Маунт, 1:1 – 67 Ндиди.
Челси – Аррисабалага, Кристенсен, Зума, Эмерсон, Аспиликуэта, Маунт, Канте, Пулишич (Виллиан, 71), Жоржиньо (Ковачич, 71), Педро, Жиру (Абрахам, 61).
Лестер – Шмейхель, Сеюнджю, Эванс, Фукс, Рикарду Перейра, Тилеманс, Мэддисон, Ндиди, Чоудури (Прат, 73), Перес (Олбрайтон, 80), Варди.
Огоҳлантириш: Жоржиньо (37).