"Манчестер Юнайтед" ярим ҳимоячиси Поль Погба АПЛда яна бир пеналтини амалга ошира олмади.

Эслатиб ўтамиз, АПЛнинг 2-турида "Вулверхэмптон"га қарши ўйинда Погба иккинчи бўлим ўрталарида пеналтини аниқ амалга ошира олмади ва 1:1 ҳисоби финал ҳуштагига қадар ўзгармай қолди.

Ушбу пеналтини уролмаганидан кейин француз АПЛ тарихидаги энг ёмон пеналтистлар қаторидан ўрин олди.

11 метрли нишондан ўқ узган футболчилар орасида Погба олтинчи ўринни эгаллаб турибди. Унинг 11 та зарбасидан атиги 7 таси гол бўлган (ўтказиб юборилганларнинг 36 фоизи).

Рўйхатнинг биринчи поғонасида Хуан Пабло Анхель эгаллаган - 10 та зарба ва атиги 5 та гол (ўтказиб юборилганларнинг 50%), иккинчи ўринда - Рияд Марез 12 та зарба ва 7 та гол (42% ўтказиб юборган).