18 август куни "Навбаҳор" жамоасига қарши учрашувдан сўнг "Андижон" футболчилари қисқа муддатли таътилга йўл олишганди.

Бугун, яъни, 21 август куни "Андижон" футболчилари Андижон шаҳридаги спорт қароргоҳига йиғилади ва кейинги турда бўлиб ўтадиган "Пахтакор" - "Андижон" учрашувига тайёргарликни давом эттиради.

Беш кун мобайнида Андижон шаҳрида тайёргарлик олиб борадиган Александр Хомяков шогирдлари 26 август куни пойтахтимизга йўл олишади.

Эслатиб ўтамиз, "Coca Cola" Суперлигасининг 18-тур доирасида бўлиб ўтадиган "Пахтакор" - "Андижон" жамоалари ўртасидаги баҳс 27 август куни Тошкент шаҳридаги "Пахтакор" марказий стадионида бўлиб ўтади.