“Лестер Сити” ҳужумчиси Ислам Слимани расман “Монако” аъзосига айланди. Бу ҳақида клуб расмий сайти хабар берди.

Монегаскликлар 31 ёшли футболчини сотиб олиш шарти билан бир мавсумга ижарага олди. Трансфернинг қолган тафсилотлари маълум қилинмади.

Эслатиб ўтамиз, Слимани “Лестер” сафида 2016 йилдан бери тўп суради. “Тулкилар” уни “Спортинг”дан 30,5 миллион еврога сотиб олган эди.

Маълумот учун, Слимани “тулкилар” сафида 46та ўйинда майдонга тушиб, 13та гол урган ва 7та голга ассистентлик қилган. Шунингдек, “Ньюкасл” ва “Фенербахче” клубларига ижарга берилган.