Ўзбекистон ўқ отиш спорти федерациясининг навбатдан ташқари ҳисобот-сайлов конференцияси бўлиб ўтди. Унда федерациянинг янги Ижроқўм таркиби ва назорат-тафтиш комиссиясини тузиш, федерация низомига ўзгартириш ва қўшимчалар киритиш кун тартибига қўйилган асосий масала бўлди.

Йиғилиш тасдиқланган кун тартиби асосида олиб борилди ва Ижроқўм таркибини сайлаш учун номзодлар овозга қўйилди. Овоз бериш якунларига кўра, қуйидаги шахслар Ўзбекистон ўқ отиш спорти федерациясининг Ижроқўм таркибидан жой олишди:

Норинбоев Ойбек Кабилжанович – Ўзбекистон ўқ отиш спорти федерацияси Ижроия қўмитаси раҳбари. Қўмита таркиби:
1. Қодиров Дониёр Бахтиёрович
2. Еналиев Рамиз Равильевич
3. Раҳимов Муроджон Каримжонович
4. Саидов Азиз Исмоилович
5. Маҳмудов Исроил Исмоилович
6. Ходжаев Анвар Одилович

Таъкидлаш жоиз, кеча ушбу спорт тури бўйича терма жамоамиз вакиллари Бразилиянинг Рио-де-Жанейро шаҳрига йўл олишди. Ушбу шаҳар 26 августдан 3 сентябрга қадар Жаҳон кубогининг тўртинчи босқичига мезбонлик қилади. Мусобақада иштирок этаётган терма жамоамиз вакилларига омад ёр бўлсин, деб қоламиз.