O‘zbekiston o‘q otish sporti federasiyasining navbatdan tashqari hisobot-saylov konferensiyasi bo‘lib o‘tdi. Unda federasiyaning yangi Ijroqo‘m tarkibi va nazorat-taftish komissiyasini tuzish, federasiya nizomiga o‘zgartirish va qo‘shimchalar kiritish kun tartibiga qo‘yilgan asosiy masala bo‘ldi.
Yig‘ilish tasdiqlangan kun tartibi asosida olib borildi va Ijroqo‘m tarkibini saylash uchun nomzodlar ovozga qo‘yildi. Ovoz berish yakunlariga ko‘ra, quyidagi shaxslar O‘zbekiston o‘q otish sporti federasiyasining Ijroqo‘m tarkibidan joy olishdi:
Norinboyev Oybek Kabiljanovich – O‘zbekiston o‘q otish sporti federasiyasi Ijroiya qo‘mitasi rahbari. Qo‘mita tarkibi:
1. Qodirov Doniyor Baxtiyorovich
2. Yenaliyev Ramiz Ravilyevich
3. Rahimov Murodjon Karimjonovich
4. Saidov Aziz Ismoilovich
5. Mahmudov Isroil Ismoilovich
6. Xodjayev Anvar Odilovich
Ta’kidlash joiz, kecha ushbu sport turi bo‘yicha terma jamoamiz vakillari Braziliyaning Rio-de-Janeyro shahriga yo‘l olishdi. Ushbu shahar 26 avgustdan 3 sentyabrga qadar Jahon kubogining to‘rtinchi bosqichiga mezbonlik qiladi. Musobaqada ishtirok etayotgan terma jamoamiz vakillariga omad yor bo‘lsin, deb qolamiz.
