"Манчестер Юнайтед" ҳимоячиси Крис Смоллинг ижара шартномаси асосида "Рома"га ўтмоқда.
Манчестерликлар бош мураббийи Оле Гуннар Сульшер бу хабарни тасдиқлади.
"Охирги икки куни ичида Крис учун шундай имконият пайдо бўлди. Биз музокаралар столига ўтирдик. Бизда олтита марказий ҳимоячи бор бўлган вазиятда Крисга доимий ўйин амалиётини ваъада қилолмайман. Шунинг учун у ҳозир самолётда.
Ўйлайманки, унга бу тажриба ёқади. Бу катта клуб ва катта лига. Англиялик ҳамма ўйинчиларда ҳам Италияда ўйнаш имконияти бўлавермаган. У сафимизга кучли бўлиб қайтади", - дейди Сульшер.
Хабарларга кўра, римликлар Смоллингни 3 млн евро эвазига, сотиб олиш ҳуқуқисиз ижарага олмоқдалар.
