Ушбу рукндаги сўнгги маълумотларни беришда давом этамиз.
Фалкао энди Италияга йўл олмоқчи
Бутун трансфер ойнаси давомида ҳамманинг эътибор марказида турган ҳужумчи сўнгги кунларга келиб оз қарорини ўзгартирди ва Италия клубларидан бирига ўтишни режа қилмоқда. «Fotball Italia» нашри тарқатган хабарларга қараганда футболчи «Фиорентина» клубига ўтиши мумкин. Ушбу трансфер ойнаси давомида Франк Рибери, Кевин Боатенг сингари футболчиларни қўшиб олишга муваффақ бўлди.
Футболчи Бир ой давомида бир нечта жамоаларга ўтиши таҳмин қилинган бўлсада, унинг трансфери амалга ошмаган эди.
Эвертон «Милан»га ўтади
Миланнинг «Милан» клуби «Гремио» жамоаси ҳужумчиси Эвертон борасида ўзининг сўнгги таклифини юборди.
Унга кўра, италиянлар футболчи учун 30 миллион евро таклиф этади ва футболчига 4 йиллик шартнома ҳам таклиф этади. Агарда томонлар ўзаро келишувга эришса, футболчи ҳафта сўнгида Европага учиб келади.
23 ёшлик футболчи учун Бразилия клуби 35 миллион евро талаб қилмоқда. «Милан» жамоаси футболчи учун яна беш миллион еврони бонус сифатида тақдим этишни режалаштирмоқда.
«Арсенал» жамоаси Туркияга йўл олади
Лондоннинг «Арсенал» жамоаси ярим ҳимоячиси Муҳаммад Эл Ненни шу кунларда Туркиянинг «Бешиктош» клубига ўтишга жуда яқин турибди.
Футболчининг трансфер қиймати 15 миллион атрофида баҳоланмоқда. Футболчи тезроқ жамоадан кетишни истамоқда. Гап шундаки, Эмири уни асосий таркибдан бутунлай четлатилгач, мисрлик футболчи ўйин амалиётга эга бўлиш учун бошқа клубга отишни истамоқда.
Льоренте «Наполи»га ўтишга яқин
Испаниялик ҳужумчи тез орада Италия клубларидан бирига ўтиши кутилмоқда. Ҳозирда эркин агент мақомида бўлган футболчи «Фиорентина» ва «Наполи» жамоасидан бирига ўтишни режа қилмоқда.
Катта эҳтимол билан бу клуб «Наполи» бўлиши мумкин. Ушбу клуб футболчига 2,5 миллион евро йиллик маош кўрсатилган 1 йиллик шартнома таклиф қилмоқда.
Неймар собиқ жамоасидан узр сўради
ПСЖ клуби ҳужумчиси Неймар «Барселона» клубидаги собиқ жамоадошларидан узр сўради. «Soccer» сайти тарқатган хабарларга кўра, футболчи ушбу трансфер ойнаси чоғида Католонияга қайтишни истаганини аммо, Париж клубининг қайсарлиги сабабли бу трансфер амалга ошмаганини айтиб узр сўраган.
Таниқли Жерар Ромеронинг ахборот беришича, Неймарнинг трансфери 2 та сабаб туфайли амалга ошмади. Улардан бири ПСЖнинг суний тарзда Неймарнинг нархини оширгани бўлса, иккинчиси «Барселона»нинг Дембелени жамоада сақлаб қолишга бўлган уруниши хаммасини барбот қилган.
