Испания чемпионатининг 3-тури доирасида «Атлетико» ўз уйида «Эйбар»ни қабул қилиб, иродали ғалабани қўлга киритди. Симеоне шогирдлари ўйин давомида 2та тўп билан ортда бораётиб, "камбек"ни амалга оширишига тўғри келди.

Меҳмонларнинг баҳснинг 19-дақиқасига келиб Шарлес ва Албильянинг голлари эвазига олдинга чиқиб олишди. Орадан кўп ўтмасдан Жоау Фелиш Ла лигада ўзининг дастлабки голини уришга муваффақ бўлди.

Иккинчи бўлимда эса "матрасчилар" ғалабани илиб кетишга муваффақ бўлишди. Дастлаб Витоло, ўйиннинг энг сўнгги дақиқасида эса Томас Парти рақиб дарвозасини ишғол қилишди.

Шу тариқа, "Атлетико" бугун очко йўқотадигандек кўринган вазиятда муҳим 3 очкони қўлга киритди ҳамда 9 очко билан Ла лигада пешқадамлик қилишда давом этадиган бўлди.

Испания Ла лигаси, 3-тур
Атлетико – Эйбар 3:2 (1:2)
Голлар: 0:1 – 7 Шарлес, 0:2 – 19 Арбилья, 1:2 – 27 Жоау Фелиш, 2:2 – 52 Витоло, 3:2 – 90 Томас.
Атлетико – Облак, Хименес, Триппьер, Эрмосо, Лоди, Льоренте (Витоло, 46), Сауль, Лемар (Родриго Рикельме, 78), Коке, Жоау Фелиш (Томас, 84), Диего Коста.
Эйбар – Дмитрович, Арбилья, Техеро, Рамис, Альварес (Оливейра, 55), Леон (Корреа, 86), Диоп, Экспосито, Инуи, Орельяна, Шарлес (Кике Гарсия, 63).
Огоҳлантиришлар: Инуи (4), Орельяна (15), Дмитрович (69).