Ispaniya chempionatining 3-turi doirasida «Atletiko» o‘z uyida «Eybar»ni qabul qilib, irodali g‘alabani qo‘lga kiritdi. Simeone shogirdlari o‘yin davomida 2ta to‘p bilan ortda borayotib, "kambek"ni amalga oshirishiga to‘g‘ri keldi.

Mehmonlarning bahsning 19-daqiqasiga kelib Sharles va Albilyaning gollari evaziga oldinga chiqib olishdi. Oradan ko‘p o‘tmasdan Joau Felish La ligada o‘zining dastlabki golini urishga muvaffaq bo‘ldi.

Ikkinchi bo‘limda esa "matraschilar" g‘alabani ilib ketishga muvaffaq bo‘lishdi. Dastlab Vitolo, o‘yinning eng so‘nggi daqiqasida esa Tomas Parti raqib darvozasini ishg‘ol qilishdi.

Shu tariqa, "Atletiko" bugun ochko yo‘qotadigandek ko‘ringan vaziyatda muhim 3 ochkoni qo‘lga kiritdi hamda 9 ochko bilan La ligada peshqadamlik qilishda davom etadigan bo‘ldi.

Ispaniya La ligasi, 3-tur
Atletiko – Eybar 3:2 (1:2)
Gollar: 0:1 – 7 Sharles, 0:2 – 19 Arbilya, 1:2 – 27 Joau Felish, 2:2 – 52 Vitolo, 3:2 – 90 Tomas.
Atletiko – Oblak, Ximenes, Trippyer, Ermoso, Lodi, Lyorente (Vitolo, 46), Saul, Lemar (Rodrigo Rikelme, 78), Koke, Joau Felish (Tomas, 84), Diyego Kosta.
Eybar – Dmitrovich, Arbilya, Texero, Ramis, Alvares (Oliveyra, 55), Leon (Korrea, 86), Diop, Eksposito, Inui, Orelyana, Sharles (Kike Garsiya, 63).
Ogohlantirishlar: Inui (4), Orelyana (15), Dmitrovich (69).