“Барселона” президенти Хосе Бартомеу Неймарни “Барселона”нинг қишки трансфер режаларига кирмаслигини айтди.

“Бу масала спорт даражасида ҳал қилинди. 10 июлдан 15 июлгача биз трансферлар борасида режалаштирган деярли барча ишларимизни бажардик. Ҳаммаси жуда аниқ режалаштирилган эди, аммо кейин Неймар билан шартнома имзолаш имконияти пайдо бўлди.

ПСЖ спорт директори Леонардо музокараларга тайёр эди. “Барселона” футболчи билан шартнома имзолашни истаган клублардан бири эди. Ўша вақтдан биз Неймарга даъвогарлик қила бошладик, аммо трансфер амалга ошмади.

Сабаби ПСЖ талабларини бажаролмадик. Биз ёзда Неймарни сотиб олиш учун қўлимиздан келганини қилдик. Январда Неймар “Барселона”га ўтмайди”,- дейди Бартомеу.