“Barselona” prezidenti Xose Bartomeu Neymarni “Barselona”ning qishki transfer rejalariga kirmasligini aytdi.

“Bu masala sport darajasida hal qilindi. 10 iyuldan 15 iyulgacha biz transferlar borasida rejalashtirgan deyarli barcha ishlarimizni bajardik. Hammasi juda aniq rejalashtirilgan edi, ammo keyin Neymar bilan shartnoma imzolash imkoniyati paydo bo‘ldi.

PSJ sport direktori Leonardo muzokaralarga tayyor edi. “Barselona” futbolchi bilan shartnoma imzolashni istagan klublardan biri edi. O‘sha vaqtdan biz Neymarga da’vogarlik qila boshladik, ammo transfer amalga oshmadi.

Sababi PSJ talablarini bajarolmadik. Biz yozda Neymarni sotib olish uchun qo‘limizdan kelganini qildik. Yanvarda Neymar “Barselona”ga o‘tmaydi”,- deydi Bartomeu.