Таниқли камерунлик ҳужумчи Самуэль Это’О ўзининг инстаграмдаги саҳифаси орқали футболчилик фаолиятини якунлаганини эълон қилди.

38 ёшли футболчининг сўнгги клуби «Қатар СК» бўлди.

Это’О фаолияти давомида «Реал», «Мальорка», «Барселона», «Интер», «Анжи», «Челси» каби клублар сафида ўйнаган. У 3 марта Европа чемпионлар лигаси, 3 марта Испания чемпионати ва бир марта Италия чемпионатида ғолиб чиққан.

У 1996-2014 йиллар оралиғида Камерун терма жамоаси  шарафини ҳимоя қилиб, 118та ўйинда 56та гол урди. У терма жамоа тарихида энг яхши тўпурар ҳисобланади. Это’О миллий жамоа сафида икки марта Африка миллатлар кубоги, олимпия терма жамоаси таркибида Сидней-2000 ғолибига айланган. У 5 марта Африканинг энг яхши футболчиси деб тан олинган.

«Тугади. Олдинги янги синовлар. Ҳаммага катта раҳмат», – дея ёзди Это’О Истаграмдаги ўзининг саҳифада.