Суперлиганинг 19-тури доирасидаги "Динамо"га қарши ўйинга тайёргарлик кўраётган жамоамиз бугун чемпионат пешқадами бўлиб турган "Пахтакор"га қарши назорат беллашувида майдонга тушади.
Эслатиб ўтамиз, бунга қадар жамоамиз ФИФА кунлари туфайли юзага келган танаффусдан унумли фойдаланиб, Чимён тоғ ён бағрида 5 кунлик йиғин ўтказиб қайтганди. Сўнгра эса 4 сентябрь куни "Андижон" билан ўтказилган назорат ўйини ўтказилиб, унда 2:0 ҳисобида ғалаба нашидаси сурилганди. Бугун эса навбатдаги назорат беллашуви чемпионатни мағлубиятсиз ўтказиб келаётган "Пахтакор"га қарши кечади.
Ўйин ОКМК спорт мажмуасидаги "Марказий" стадионда соат 18:00да бошланади.
