«ПСЖ» ҳужумчиси Неймар бугун бўлиб ўтган «Страсбур»га қарши ўйинда (1:0) мухлисларнинг унга нисбатан муносабати ҳақида ўз фикрларини билдириб ўтди.
Ўйиндан олдин ишқибозлар бразилиялик футболчига нисбатан ҳуштакбозлик қилишди, уни ҳақорат қилишди. Ўйинга қўшиб берилган дақиқаларда эса Неймар чалқанча услубдаги зарба билан жамоасига ғалаба келтирди.
«Мен мухлисларни тушунаман ва уларга қийин бўлганини биламан. Лекин мен «ПСЖ» ўйинчисиман. Мухлисларга айтар гапим йўқ. Мен бундай ҳуштакбозликларга ўрганиб қолганман.
Энди ўзимни гўёки меҳмонда ўйнаётгандек ҳис қиламан. Аламли, лекин ишқибозларга қарши ёмон фикрга эга эмасман.
Кетишни истаганимни барча биларди. Бунинг тафсилотларига тўхталиб ўтирмайман. Саҳифани ёпдик. Мен ҳозирда «ПСЖ» ўйинчисиман ва майдонда боримни бериб ҳаракат қиламан», – деди Неймар.