Бугун ЕЧЛ гуруҳ баҳслари старт олди. Сўссиз биринчи турнинг марказий учрашуви «ПСЖ» ва «Реал Мадрид» жамоалари ўртасидаги ўйин бўлади десак, адашамаган бўламиз. Бугун ўйин олдидан Неймар ва «ПСЖ» жамоаси мураббийи томонидан клуб расмий сайтига берилган интервьюларни тақдим этамиз.
Томас Тухел
Неймар биз учун чинакам етакчи. У катта босимга қарамасдан ҳаммасини енгиб ўтишга муваффақ бўлди. Менинг ундан кўнглим тўқ. ОчиғИ Неймарга осон бўлгани йўқ, сабаби у таъсирчан йигит. Шундай бўлсада, у буни енгиб ўтишга муваффақ бўлди. Бу ҳаёт ва унда ҳамма нарса бўлиши мумкин. Мухлисларга ҳам осон бўлгани йўқ. Улар трансфер ойнаси давомида Неймарнинг кетиши борасидаги хабарлардан чарчаб кетишди. Мен мухлислар борасида ҳеч нарса дея олмайман. Неймар ўз даражасига чиқиб олиши учун бир нечта ўйин даркор. У шундагина ўйин ритмига тушиб олиши мумкин. Барча мухлислар ҳам Неймарнинг қилган ишини ҳазм қила олишмаяпти. Тўғриси, уларнинг фикрларига таъсир ўтказа олмайман. Мен фақат ўз жамоамни бошқаришим мумкин. Парижда яшаб тўп суриш ва истеъқомат қилиш жуда мушкул иш эмас. Бундан ташқари, барча нарсани жиддий қабул қилаверсак, ақлдан ўзиш ҳам ҳеч гап эмас. Бизни олдинда дунёнинг энг кучли клубларидан бирига қарши бахс кутиб турибди. Айнан шундай муҳим учрашувда Неймар ўз айбини ювиб ташлаши ва барчанинг ишончини қайта қозониши мумкин.
Тиаго Силва
Неймарнинг биз билан қолганидан хурсандман. Олдинда бизни ЕЧЛ бахслари кутиб турибди. Тан олиш лозим, бундай турнирда Неймарсиз ғалаба қозонишнинг иложи йўқ. Агарда, Неймар кетадиган бўлса, биз учун катта йўқотиш бўлган бўлар эди. Мухлисларимиз «Реал Мадрид» жамаосига қарши омадсиз учрашувларимизни унутганича йўқ. Биз ғалабамиз билан гуруҳда биринчи ўрин учун кураш олиб боришимизни исботлаб қўйишимиз мумкин. Бу ишни уддалаш қўлимиздан келади.
Неймар
Мен мухлисларга оғир эканлигини тушуниб турибман. Эндиликда мен «ПСЖ» футболчисман! Ҳозир менда мухлисларга айтадиган сўзлар йўқ! Мен ўз фаолиятим давомида мен ҳақимда музокара олиб боришларига ўрганиб қолганман. Энди мен ҳар бир учрашувда меҳмонда ўйнаётгандек ҳаракат қиламан. Афсуски, шундай, бироқ мен мухлисларга қарши ҳеч нарса қила олмайман. Менинг «ПСЖ» дан кетмоқчи эканлигимни ҳамма билиб бўлди. Бу ҳақида ўзим айтдим ва керак бўлса бу сўзларни яна қайтаришим мумкин. Бу борада ҳисоб бермоқчи эмасман. Мен Париж клуби футболчисиман ва бор эътиборимни ўз ўйинларимга қаратишга ҳаракат қиламан. Менинг биринчи навбатдаги вазифам ЕЧЛда ажойиб ўйинлар кўрсатишдан иборат. «Реал Мадрид»га қарши бахсларнинг сўггисида мағлубиятга учрадик, лекин у даврдаги «Реал»да Роналду тўп сурар эди. Ўйлашимча ҳозирги даврда «ПСЖ» бу жуфтликда фоворит! Бу учрашувда ортиқча қийинчиликларсиз ғалаба қозонишимизга аминман.
