Россиянинг Екатеринбург шаҳри мезбонлик қилаётган бокс бўйича жаҳон чемпионатининг тўққизинчи кунида кечки дастур жанглари бошланди. Бироз аввал ҳамюртимиз Миразиз Мирзаҳалилов (-57 кг) 1/8 финалда марокашлик боксчига қарши баҳс олиб борди.
Рақибига қараганда кучли ва аниқ зарбалар йўллай олган Мирзаҳалилов ушбу беллашувни ўз фойдасига ҳал қила олди ва чорак финал йўлланмасини қўлга киритди. Ҳамюртимиз кейинги босқичда қозоғистонлик Кайрат Ералиев билан тўқнаш келади.