Ўзбекистон миллий терма жамоаси бош мураббийи Эктор Купер Ўзбекистон Футбол Aссоциацияси (ЎФA) билан компенсация масаласида келиша олмаяпти.
Трибуна.уз манбаси хабарига кўра, аргентиналик мутахассис муддатидан олдин истеъфога чиқишга тайёр, аммо фақат бир шарт билан – у қолган вақт учун мўлжалланган маошини тўлиқ миқдорда олишни истамоқда.
Купер билан имзоланган шартномага кўра, у яна 7 миллион евро маош олиши керак. ЎФA эса фақат 5 миллион беришга рози. Бироқ, Купернинг агенти музокаралар давомида маошининг тўлиқ тўлаб берилишини талаб қилмоқда.
Aввалроқ, Купер истеъфога чиқарилса унинг ўрнига «Пахтакор» бош мураббийи Шота Aрвеладзе ва «Бунёдкор» устози Вадим Aбрамов асосий номзодлар экани ҳақида хабарлар тарқалган эди.
Эслатиб ўтамиз, Ўзбекистон миллий жамоаси навбатдаги ўйинни ЖЧ-2022 саралаши доирасида 10 октябрь куни Яманга қарши ўтказиши лозим.
