Хабарингиз бор, "Навбаҳор" эртага Coca Cola Cуперлига 20-тури доирасидан ўрин олган баҳсда Жиззахда “Сўғдиёна” клуби меҳмони бўлади. "Лочинлар" аъзолари мазкур ўйинга жиддий тайёргарлик кўришди ва машғулотларда астойдил тер тўкишди.

“Навбаҳор”нинг навбатдаги машғулоти якунланганидан сўнг, “лочинлар”нинг 19 ёшли маҳоратли ярим ҳимоячиси Абдулҳай Исмоилов бўлажак баҳс борасидаги фикрлари билан ўртоқлашди.

- “Сўғдиёна”га қарши кечадиган ўйинга жиддий ҳамда пухта тайёргарлик кўриб, машғулотларда астойдил тер тўкдик. Жамоамиз бош мураббийи Андрей Антанасович Канчельскис машғулотларни европача усулда олиб борди. Бу эса бўлажак баҳсда ўз самарасини беради, деган умиддаман.

Жиззахдаги ўйинда зафар қучиб, мухлисларга қувонч улашиш учун барча имкониятимизни ишга соламиз ва мен ҳам жамоамизнинг ютуғига муносиб ҳисса қўшиш учун майдонда қўлимдан келганича ҳаракат қиламан.

“Навбаҳор” ПФК матбуот хизмати.